Where is my wagon?

Hoe begin mens iets in jou verander? Ek luister vreeslik na motivational goete, veral in verkeer, raak eintlik vies as daar nie verkeer is nie. Dit maak my so begeesterd, kyk ek is reg om die wêreld van my te verander. Dan kom ek by die huis en dis asof alles net verdwyn. Ek raak besig met goete by die huis, of iets en dan is al my goeie intensies by die venster uit. As ek weer sien het ek 7 etes se goed klaar ge eet, of liewer in gevacuum.

Sommer net so, dis bietjie dit en dat en nog alles wat kan. En tjoep, is ek ongemaklik en so de hel in vir myself ek kan my sommer klap. Ek het nou besluit is oor ek nie prep nie. En ek praat nie van my huidige prep nie…

Genade ek was goed met dit, het alles gedoen. Een dag op naweek was prep dag, alles gedoen van sop potte kook, eie mayo maak, hummus, Padda het broodjies gebak, ek eier muffins gemaak, kyk dit het gegons in daai kombuis. Ek tot my eie almond melk gemaak. En net so tjoef, toe hou ek op.Geen idee waaroor nie, dit het net so opgehou.

My oefen het minder en minder geraak en nou opgehou. Ek pyn op plekke waar ek nie geweet het daar is spiere nie, ek pyn orals. Alles is deurmekaar en ek is sommer goor. Ek het lank met Padda gesels hieroor. Sy is net haar rustige self, geen blaam, geen lelikheid nie. En sy wil net help. So, sy vat nou die prep deel oor en ons gaan plantbased. My boetie slaan om as hy dit hoor. Hy is baie bang en sê altyd “sussie, asseblief net nie daai vreemde kosse nie” Hy bel ook vir Una en maak seker sy maak ‘normale’ goed (vleis en pap en sulke goete), ons twee lag te lekker.

Maar het nou besluit, ek hoef nie alles reg te maak in ‘n dag nie, tree vir tree doen ook die ding. Dalk eers die kos ding regkry en dan weer begin met die aktiwiteite. Die dat mens by werk is en nie jou ete vat nie, sommer so by tafel sit en gou iets indruk- dit kry nou einde. Iewers moet mens weer begin, net sulke klein goedjies tot jy weer mens voel.

Is die een les van Abraham wat ek regitg mee sukkel die, seker oor ek die meeste resistance het daarteen. Wat resist ek so?

Laat my wonder… ek het nie net van die wa afgeval nie… waar is my wa?