Mina and Albert, another day…

Mina en ALbert

Mina kyk vir Albert, haar groot oë nog hartseer oor die kinders, maar vol liefde en vertroue vir hom. “ Albert, dink jy regtig ons is meer veilig hier op die Oase as wat ons in die stad was?” . Hy kyk na haar, skuif so bietjie nader aan haar “Ja Mina, hier het mense meer respek vir voëls en wil nie net alles wat vlieg uitwis nie. Probleem hier is net al die valke en kraaie, ek het gehoor daar is ‘n groot bende op die berg. O jy moet versigtig wees en hou jou oë oop as jy uit is deur die dag”. Sy knip haar kop en begin saggies te koer.

Hulle is nou al ‘n paar maande hier op die oase en dinge is so anders as in die stat. Dis is rustiger vir een, nie al die tyd aan die gang nie. Mense hier is maar vreemd, voëls ook. Daar was kraaie en seemeeus gewees in die stat, hulle was naby genoeg aan die see. Maar hier is dit ‘n ander storie. Dinge is sommer baie anders hier, meer “local”. Hulle het hier gebly vir so tydjie toe hulle van die huis af getrek het jare terug, maar dinge het so verander. Of dalk het ons net oud geword, dink Mina.

Sy skuif nader aan Albert, die windjie is koeler nou.

Hulle twee sit nog so styf teen mekaar toe Frederik met ‘n spoed langs hulle land. “Genade Frik, jy kan mos nie net sommer so son der waarskuwing land nie”. Hy lag en gooi sy kop agteroor toe hy die groot pupille sien van Albert. “Jy moet wakker wees Albert, dit is nie die stad die nie, hier is dit nog plaas en jy moet op jou hoede wees”. Hy knik sy kop vir Mina. Kyk, hy is nou wel ‘n Indian Myna, en Mina ‘n duif, maar sy is wraggies ‘n mooi vrou.

Frik

Vol en ronde lyf, stewig, kan sommer sien sy weet hoe om nes te hou en kinders groot te maak. Sagte warm lyf wat eiers sommer lag lag kan uitbroei en kuikens veilig hou. Hy het eenkeer gesien hoe sy opgestaan het teen so groot Rock dove wat een van die klein Bottergatte boelie. So klein soos wat sy is as ‘n Lagduif , het sy haar omtrent uitgepof en blindelings tussen in getree. Brent was stom toe die kleine duif teen hom opstaan en was al wat klein Ali (local Bottergat) nodig gehad het om weg te kom.

Bulbul2)

Hy het hom opgetrek en nader aan haar gestap. Frik self het geland en nader gestap. Gelukkig was sy vriend Mustafa ook by en die het ook geland en net gekyk. Hy het nie veel belangstelling gehad nie, is eers toe hy hoor Brent vra “en waarom sal jy dink jy kan teen my opstaan as ek besluit het ek wil daai klein Bottergat ‘n les leer?” . Mina het haar staan gestaan. Sy het haar regop getrek en gedink vandag word ek verskeur deur drie verskillende voëls, ek hoop net Albert sal terug gaan huistoe en vergeet van wraak. Sy het hom in die oe gekyk en gese met ‘n bewende, maar brawe stemmetjie “want jy is ‘n boelie en dit dui op swak karakter en dat jy eintlik ‘n lafaard is. Jy wou hom nie eet nie, jy wou hom net verneder en dit pas jou nie”. Hy was stom.

Rock_dove

Mustafa het nader geloop toe Brent begin lyk of hy met Mina wil sukkel en Brent het dadelik gestop. Mustafa ( ‘n Huiskraai) het gelag “ lyk my so klein duif het jou heeltemal reg opgesom né Brent. Dink jy moet jou vlieg kry, en onthou, ek ken haar, so moet nie laat ek hoor iets het met haar gebeur nie, dan is dit ek en jy”. Brent het ‘n paar tree terug getree “Gmf” is al wat sy gehoor het toe hy weg vlieg. Frik het nader gekom “Is jy okay dingetjie?”.

download

Mina het haar koppie geskud “Dingetjie?” Hy het net gelag en na Mustafa gekyk. “En dan is sy nog parmantig ook”.

Mustafa het nader gestap en Mina het gedink dit is die einde nou. “Ek is Mustafa, dit is Frederik, eintlik Frik. Jy moet oppas mevrou, die voëls hier is nie soos in die stad nie en nie almal sal so iets laat gaan nie. Dit was ‘n baie brawe ding wat jy gedoen het. Was seker klein Ali gewees.” Mina het haar kop geknik en gese” sy naam was Ali. Ek is jammer, maar ek kan nie verdra dat voëls mekaar so boelie nie. Ons het genoeg dinge om oor te bekommer en dan baklei hulle nog met mekaar. “ En so het die vreemdste vriendskap begin, ‘n klein duif, ‘n Indian Myna en ‘n huiskraai. Gewoonlik mekaar se vyande, maar hier, hier waar dinge so onderstebo is in die jaar, hier begin die unieke vriendskap. Dalk juis omdat dinge so deurmekaar is en voëls begin besef hulle moet saam staan en na mekaar begin kyk.

“Nou Frik, wat gaan aan dat jy so laat nog rond vlieg, jy is mos nog so goeie 10 minute se vlieg van jou huis af. “ Frik knik sy kop. “Ja, jy is reg, maar ek wou net kom laat weet dat julle dalk die piekniek moet bedink. Jy weet dit is die nasionale dag hier in die land en in die dorp hak mense se koppe uit die tyd. Julle sal sien wat doen hulle met hulle karre, dit is stiekers en verf en vlae en alles. En mense raas en skiet krekkers en almal gaan berg toe. Buiten daai kraai bende daar, bring hulle ook hulle valke saam want dit is ‘n groot sport om te sien hoe die valke en kraai mekaar aanvat of erger nog, ander voëls vang. So asseblief moet nie gaan nie. Ek het nou eers die boodskap gekry en weet julle wou more oggend al vroeg gaan. Dink eerder aan volgende naweek, dan is al die malligheid oor”.

Crows

Feeding falcon

Harris Hawk (Parabuteo unicinctus)  on falconer's glove

So sit hulle nog so half uur en kuier toe Frik sê hy moet gaan anders is hy eers donker in sy nes. Hulle groet en Frik vlieg. Mina is bly Frik het kom sê, sy was so bang oor more, sy het gehoor toe die klomp Jan Fredericks so praat oor al die gemors op die berg en sy het nie lus vir daai hoogtes nie. So paar minute later land Cyril en Madge langs hulle in hulle nes en praat oor die berg trip more. Albert vertel wat Frik kom sê het, maar Cyril lag en se dit is sommer strooi. Hulle vlieg more oggend so net na half ses en sal sommer vroeg op die berg wees. Albert en Mina moet dan nou maar soos twee oues leef en uitmis op al die plesier. Mina glimlag en se “wees net versigtig”…

Author: VirgoC

...ek is 'n Generation X kind, so sê die media . Ek is mal oor die comforts van tegnologie (wat ek wil verstaan), maar ek smag na dit waarmee ek groot geword het. Ek is vandag nog netso confused soos 20 jaar terug, verskil is nou geniet ek my confusion. Die is hoe ek die lewe sien in stories, of sommer net "plain" en soos die kraai vlieg.

3 thoughts on “Mina and Albert, another day…”

Comments are closed.