Kuier Safari – Silver…

 

Wel, ek het probeer rondsnuffel oor Silver, ek meen, hy kyk  rond hier tussen ons Towerinne en Tannie Frannie lyk my is totaal in sy visie. Lyk my alles is of gesëel, of jy kry net so hier en daar ‘n foto, maar die res lyk half duister.

Ek ry vanmiddag laat en ontmoet vir Big Daddy, sy seun. Ons gaan drink gou ‘n bier by hulle een hang- out hier naby. Bikers van oral kuier hier rond, hulle het sulke plekke wat so na aan hulle is en die mense ken mekaar en het hulle eie “familie struktuur” in hulle verskillende groepe.

 

Ek is baie bly om Big Daddy weer te sien met sy lang hare, so woes soos hy lyk, so goeie hart het hy en ek wonder of hy na sy pa aard. Silver kom blykbaar ook ‘n  draai maak want hy wil homself kom voorstel, hy kom ook Gariep toe want lyk my daar is paar bikers wat die Johannesburg- Kaap roete doen daai tyd.

Ons staan nog buite toe ek die vreeslike engin hoor,die V-Max kom daarin gery en die bikers staan dadelik op en nader en ek besef net daar, die moet die “Legend” wees- Silver…

 

Big Daddy- sy regte naam is Seth staan op en loop af om sy pa te groet en daar staan hy, in lewende lywe..

Padda gee my so ligte stamp op die skouer en wys so half met die wenkbroue vir my” dis hy daai”. Die bikers kom groet en doen hulle hand skud ding en lyk vreeslik verbaas om hom te sien, hy is ‘n legend, maar is nogal ‘n alleen mens.  Ons loop in en sit rustig by die kroeg, elkeen met ‘n bier.

Die geprek is gemaklik en gaan tipies oor die normale dinge soos bike parte en customs wat gedoen word en helfte gaan oor my kop, Padda gesels rustig saam oor sprockets en die ou bikes met carburators en die nuwes wat nou fuel injected is, ek smile en knik net kop. Hy restoreer regte ou bikes en mens sien die passie en die geluk op sy gesig wanneer hy daarvan praat. Hy het ‘n plaas, werk met perde en ek dink by myself, hy sou so ‘n goeie cowboy gewees het. Hy lyk soos ‘n man, groot, growwe hande, hande wat kan werk, maar wanneer hy van bikes praat, dan blink sy oë en hy haal vir my 2 fotos uit sy “wallet” uit. Ek dag, hier kom dit nou die vrou en kinders, maar nee. Dis ‘n bike, sy grootste trots wat hy gebou het..

Hy noem dit was sy pa se bike, dit het jare net gestaan, sy ma het motorfietse gehaat en hy moes baie jare wag voor hy die “skelet” kon optel en regmaak. Dis toe ek so na hom kyk dat ek besef waar Seth se sagheid en passie vandaan kom, hy aard regtig na sy pa.

So teen die tweede bier vra Silver my hoe dinge gaan en of ons probleem met Broodina gesorteer is. Ek skud my kop en sê nee, daar is ‘n hele paar van ons wat dink sy gaan nog groot moles maak, weet mense wat niks het om te verloor nie is baie gevaarlik. Hy leun vorentoe, haal ‘n foto uit sy hempsak en vra of dit die vrou is wat die moeilikheid veroorsaak het vir ons. En daar, net daar op die foto staan Broodina.

Ek skuif half ongemaklik rond en knik my kop en sê dat ons nie wil moeilikheid hê nie, maar sy gaan nie luister voor sy regtig goed skrik gemaak word nie. Hy knik sy kop  en draai sy kop so skuins en sê “Los dit by my, sy sal nie weer pla nie”.

Ek het besluit hoe minder ek weet, hoe beter en net gesê dankie. Ons kuier nog so rukkie en toe en en Padda opstaan om te gaan, keer Silver my. “Ek het jou opinie nodig oor iets”. Ek knik en sê enige tyd.

Hy staan op en ek neem aan ons moet hom buite toe volg. Hy loop na so klein gararge toe en maak die deur oop en vra ons moet inkom. En daar wys hy my nog ‘n motorfiets, so pragtige custom Fatbob. En dan sy woorde aan my…

“Dink jy daai gorgeous vrou sal hiervan hou?”

http://www.inlinkz.com/new/view.php?id=797928