Woordsnoer 4: Towerinstraat 9, VirgoC

Whohoooooooo, ek is mal oor my eend. Die het sommer saam Una gegaan op die eerste waens en al gestaan en wag by Towerinstraat nr 9 in Rebusfontien in #Middel Mzanzi. Ek nog op die ossewa en kan nie wag nie, man en muis is al weg met die eerste waens , dit is effe stadiger as die motorfiets en weet sommer Padda sit al lank en wag. Weet sy en ons “foster-kat” sit al en wag van vanoggend af. Sy naam is Floki, hy is ‘n Norwegian Forest Cat blykbaar, so hy is nou ‘n volbloed Viking. Ek is so bly hy het maatjies in ons dorp.

Toe ons so om die draai kom sien ek daar staan ons Airstream huisie en wag en ek is so opgewonde. Ek is so bly ek het so lig gepak, gooi my groot duffelbag oor my skouer en spring af, loop verby die Spekboom-heining en skreeu “Ek is by die huissssss”

Sjoe, dis darem so mooi uitsig hier op Rebusfontein. Ek kyk weer na ons Airstream en glimlag want ek kan nie glo ek gaan uiteindelik leef soos ‘n sigeuner nie. Padda glimlag en sy en Floki stap nader, hy skuur-skuur so teen my been en jaag so velore vlinder so entjie. Ek staan en haal lekker diep asem, skoon lug, wonderlike skoon lug. Ek vertel dadelik van die pragtige huisies wat ek gesien het so met die inry slag, begin sommer by Hester wat honorêre burgemeester is in ons sprokies-dorp. Hier waar geen droom onmoontlik is nie, wat jy sien en droom, dit word rerig.

Ek kyk om na die onthaal deel toe, daar waar ons kan lag en gesels en kuier, waar die motorfiets manne en al ons ander vriende en familie kan kom saamsit aan ‘n tafel wat groei en krimp sodat almal kan inpas wat kom sit vir ‘n rusplek, ‘n koppie koffie of ‘n bord warm kos- wat ookal hulle nodig het. Want hier, hier op die dorp maak ons drome waar word en hier suffer niemand nie.

En ek glimlag nog meer as ek omkyk en ons kruie en blomtuin sien, hier waar ons al ons eie kruie en bossies groei, want hier hou die natuur ons gesond en al die ander gif hou ons uit. Ons leef en kyk na die aarde en sy kyk na ons.

En wanneer ek binnestap is dit heerlik binne, want soos beloof het Padda gesorg daar is ‘n kaggeltjie, of soos hulle sê “wood-burn stove” en sowaar, sy het my container swembad gemaak en die water is heerlik warm. Hier gaan ons heerlik swem nog en kan ons in die wonderlike mineraal water lê of baljaar heel jaar deur.

Ek asem weer diep in en kyk op en sê saggies “Dankie vir al ons blessings”

**************************
Wil jy saam woordsnoer en Towerinavontuur op Rebusfontein? So maak mens :
Jy kan ‘n enkele woord as inspirasievonk gebruik of al die woorde – nes jy lus het.
Skryf dan jou blog. Maak seker om die woord(e) in vetdruk (bold) aan te dui in jou skrywe.
En moenie vergeet om jou bydrae op Inlinkz te gaan aanhaak nie!
https://fresh.inlinkz.com/p/c79e46273dd84a68bceb38fb23d1f7c5