Motivation, inspiration, not sure which one..

Vandag, na ek 2 blogs gelees het oor gewig en hoe ons eintlik ons “own worst enemy ” is, wil ek julle ‘n storie vertel van ‘n vriendin van my. Ek dink nie altyd sy besef die impak wat sy op mense het nie, maar Marianda is met een woord amazing. Ek het haar raak ‘gelees’ op ‘n groep op FB met naam van Sleekgeek, en ek was mal oor die groep want al wat hulle gedoen het, was om mense aan te por en te help en op te bou en ek was en is mal daaroor. Haar storie het my net in totale awe gehad.

Sien Marianda, soos ek is ook ‘n nurse. En Marianda het 120kg (julle lees reg) verloor, sonder om te sny. Dit het haar in totaal 5 jaar gevat! Ek weet nie van ander nie, maar ek weet net van my en die feit dat iemand 5 jaar lank kan aanhou omdat die end result so sigbaar is, of hulle so gemotiveerd is, is steeds vir my totaal ongelooflik. Met haar toestemming gaan ek pics vir julle post.

Ek het haar omtrent so 2 jaar na my surgery ontmoet- het sleeve gehad- storie vir ‘n ander dag. Sy was en is net een van daai mense wat so opreg is, so mens nog dat mens nie anders kan as om lief te wees vir haar nie. Ek het lanklaas in my lewe so lekker koffie gedrink saam iemand. En ons is letterlik van daai dag af palle, nee, vriendinne.

Die rede hoekom ek dit vertel vannaand is omdat deur al die tyd wat ek so goed gedoen het, van die wa af geval het en die wa -convoy nou al 14 state verder van my af is, is sy nog altyd aan my sy en by my en het sy nog nooit ‘n negatiewe woord oor dit vir my gesê nie. En dis oor sy verstaan. Sien , nie net het hierdie vrou deur dit alles gegaan nie, sy val self van die wa af, klim terug en daar gaan sy. Daar in die begin, sy kon nie loop nie, en sy het so stadig begin en nou, nou neem sy deel aan een maraton na die ander. En die wat nie byhou nie, sy loop saam hulle.

Ek het soveel aan haar te danke van dinge, soveel wat sy nooit sal weet nie. Klein goedjies wat my net laat besef maak nie saak hoe vêr daai wa is nie, jy kan steeds opklim en weer aangaan. Haar droom nog altyd was om ‘n motivational speaker te wees, en vandag, vandag is dit wat sy doen.Ek post hierdie oor dit wat ek vandag gelees het, oor dit wat in my eie kop aangaan. Daai ‘iets wat nou moet gebeur’ in my, daai baklei en sweep wat ek teenoor myself uithaal. Dat ek vergeet ek het so goed gedoen en al waaraan ek dink is die 13 kg wat ek opgetel het van die 49kg wat ek verloor het. Ek weet wat ek fout doen en ek weet hoe om dit reg te maak- maar dit is asof die hel homself in my wakker word en dit amper net erger word hoe meer ek daaroor dink.  Ek het nodig gehad om die goed te lees vandag, ek het nodig gehad om my vriendin weer te sien en te hoor vandag. Ek het nodig gehad om te weet dit is ok en alles gaan reg kom en dit hoef nie vandag te gebeur nie. Die foto wat seker een van die grootste impressions op my maak is die:

Min dinge in my lewe laat my daai gevoel kry van regtig hoe ongelooflik jou journey regtig was en is.

Ek weet nie of ek dit mag doen hierop nie, maar as dit iemand help, kontak haar. Marianda Cronje geel – sy is op Fb en sy het ‘n groep en sy het haar eie page.

Marianda, al wat ek kan sê is dankie vriendin, dankie dat jy my grounded hou en altyd daar is en dat jy een mens is wat almal se stryd kan verstaan. Love jou stukkend,x

Die stuk deur Will Smith laat my so aan jou dink, want dit is presies die tipe ding wat jy nie net sê nie vriendin, jy leef dit uit- dankie,x